Ислам Этчеев и Лейля Хапаева - Сени кёрмеген кюнюмде

Музыка Альберта Узденова, стихи Хамита Боташева (Hamit Botash).

Сени кёрмеген кюнюмде
Къарангы болад элимде,
Ала кёзлеринг кюлмесе,
Ол бул-бул таууш келмесе.
Ала кёзлеринг кюлмесе,
Ол бул-бул таууш келмесе.

Ышаргъанынг нюр тёкмесе,
Бачхада гюл да битмез эд,
Бу джарыкъ кюн да тиймейин,
Къарангы басыб, кетер эд.
Бу джарыкъ кюн да тиймейин,
Къарангы басыб, кетер эд.

Ай толу тийген кечеле,
Джандет тауушла келелле,
Джюрекле бирге къууана,
Кел, бурулайыкъ биз бирге.
Джюрекле бирге къууана,
Кел, бурулайыкъ биз бирге.

Ол сыйлы ана болмаса,
Быллай джулдуз да туумаз эд,
Мен да келмезем бу джуртха,
Кёрмезем сени дунияда.
Мен да келмезем бу джуртха,
Кёрмезенг мени дунияда.

Джашаудан татыу алайыкъ -
Сюйгенле бирге болайыкъ,
Дунияны кенгден аулайыкъ,
Джашлыкъда джашаб къалайыкъ!
Дунияны кенгден аулайыкъ,
Джашлыкъда джашаб къалайыкъ!

Сени кёрмеген кюнюмде
Къарангы болад элимде,
Ала кёзлеринг кюлмесе,
Ол бул-бул таууш келмесе.
Ала кёзлеринг кюлмесе,
Ол бул-бул таууш келмесе.